Бәйге тәмам

Бәйге тәмам

Хәерле көн, хөрмәтле сайт кунаклары! 31 нче март көнне «Батырлар эзеннән» Интернет-бәйгесенә эшләр кабул итү тәмамланды. Эшләр Республикабызның төрле төбәкләреннән — Казан, Әлмәт, Лениногорск, Мөслим, Минзәлә, Яр Чаллы, Балык бистәсе һ.б. — килде. Эшләр искиткеч күп (300 дән артык)! Сайтка барын да урнаштырып бетермәдек әле. Алла бирсә, 10 апрельгә кадәр урнаштырып бетерербез.
Актив катнашуыгыз, матур эшләр җибәрүегез өчен барыгызга да зур рәхмәт!

Бәйгегә эшләр килә

Бәйгегә эшләр килә


Бу араларда «Батырлар эзеннән» республикакүләм Интернет-конкурсына эшләр кабул итү белән мәшгульбез. Эшләр бигрәк тә «Моабит дәфтәрләре»нең битләре» һәм «Исемең калсын, үзең үлсәң дә, Тарихларда укып ятарлык!» юнәлешләренә килә. Әлегә «Салют сиңа, Муса Җәлил!» юнәлешенә бер эш тә юк, әмма без якын арада әлеге юнәлешкә дә матур-матур эшләр кабул итәрбез, дип уйлыйбыз. Сезгә уңышлар телибез һәм активлык сорыйбыз!

Әлифба бәйрәме

Әлифба бәйрәме

Әлифба – тормышта
Беренче баскычым.
Син – белем дөньясын
Ачучы ачкычым.
Бүген Түбән Мактама 1 нче гомуми белем бирү мәктәбендә һәр кешенең күңелендә уелып кала торган чара – Әлифба бәйрәме булып үтте. Бәйрәмгә беренчеләрне (1а, 1б, 1в сыйныфлары) котларга әти-әниләр килгән иде. Укучылар беренче китап турында җырлар җырладылар, шигырьләр сөйләделәр. Аларны котлап, башка сыйныф укучылары да чыгыш ясады. Ахырдан 1 нче сыйныф укучыларына бүләкләр тапшырылды.

Балык Бистәләре — беренче!

Балык Бистәләре — беренче!

«Батырлар эзеннән» республикакүләм интернет-бәйгесенә беренче эшләрне кабул итеп алдык. Алар — Балык Бистәсеннән — Гайнуллина Алия Илнар кызы, Гайнуллина Гөлия Илнар кызы, Миннахметова Диләрә Фидаил кызы, Захарова Анастасия Александр кызы. Кызларга уңышлар һәм җиңүләр телибез!