Көзге каникуллар тәмамланды, яңа чирекнең беренче атнасы башланды. Бу чирек бик кыска булса да, шактый җаваплы чирек — фән олимпиадаларының мәктәп туры, йомгаклау сочинениесе һ.б.
Уку белән бергә төрле афәтләрдән саклануны да онытырга ярамый! Бу атнада мәктәбебездә «Янгыннан сак бул!» акциясе оештырылды. Акция кысаларында төрле чаралар: сыйныф сәгатьләре, практик күнекмәләр, рәсем бәйгеләре, флешмоблар үткәрелде. Укучылар, сайт кулланучылары — барыбыз да — һәрдаим янгыннан саклану чараларын үтәп, сак булып яшик!